Beejeingeklats is ein vrindegroep veural bekind door ôs deilnames aan de Groëten Optoch. Inmiddels besteit ôs groep oét 51 volwassene en 56 blaage. Eine vrindegroep van 107 leeje wao ’t vastelaovesblood struimp wies in de äör!
Boéte de optoch
De groep is in tien jaor tiéd miër gewaore as eine vastelaovesgroep. Zoë viére weej idder jaor same Sinterklaos, hebbe we ein ‘blaagedaag’ en waere der vuuël andere aktiviteite georganiseerd wao weej ôs same treffe. Zoë viére weej dit jaor – ter ïere van ôs 11-jeurig jubileum, ein weekend lang fees tiédes ôs eige festival: “Eleven Summer festival”.
Groëten Optoch
Um percies te zien,13 jaor geleeje kwaame inkele vastelaovesvierders beejein um same pekskes te make veur de vastelaovend. Vrinde van vrinde sloote zich aan beej de groep en al gauw ontstond ouk ôs naam “Beejeingeklats”. Door de jaore haer greujde det kleine gruupke oét tot ein hech kôllektief. Moëi, wie zich det oétintelik heat gevormp tot eine echte vrindegroep!
Vuuël tiéd bringe weej ouk same door in ‘t Ald Weishoés, ôs thoéshônk. Tiedes ôs knutselmomente zien weej dao idder jaor weer kreatief bezig en werke weej met hiël vuuël plezeer aan ôs vastelaovespak veur de Groëten Optoch. De aafgeloupe vastelaovend leepe weej alweer veur d’n elfde kiër mei mit de Groëten Optoch.
Blaage
Zoëas gezag besteit Vrindegroep Beejeingeklats ouk oét eine hiële groëte groep blaage. Zeej make ein belangrijk ônderdeil oét van ôs gezelschap. Ôs leefde veur de vastelaovend, gaeve weej met alle leefde en vuuël enthousiasme aan ze door!
