De start
‘t Schoëlprojek van Beejeingeklats is gestart! Iddere klas krieg op woensdaagmorge 10 september de boeremoosplentjes. ‘t Verzörge van de plentjes löp as roëje draod door dit projek. De iërste les steit heej al veur ôg klaor, ein Boeremoosjournaal mit waat kiékvraoge en ein schema um de plentjes good te verzörge. Bin creatief in wao de plentjes gepaot waere! Misschiens wil wal emus van de klas Chef de Boeremoos waere?
Rond de 11e van de 11e volg de twiëde les. De derde les rond november/ december en de letste les zal rond de Vastelaovend zien. Weej zörge d’r veur det idderein oppe tiéd ein berich krieg. Huul vuul liërplezeer!
Heb geej vraoge? Steur dan ein mailtje nao boeremoos@beejeingeklats.nl
Beejeingeklats Jocus toer
Onder ’t mom van “Joeks greujt door” organisaert Beejeingeklats same mit Jocus de Beejeingeklats Jocus toer. Alle deilnemende basisschoële kinne zich opgaeve um ein bezeuk te bringe aan ’t Jocusmuseum. De toer is bedoeld veur de groepe 4-5-6-7-8. Onder begeleiding van Hans Jacobs en Bert Ebus make alle blaage kinnis met de (geschiedenis van de) Venlose Vastelaovend. De toer zal ongeviër 45 minute deure.
’t Jocusmuseum is neet hiel groët, maar maak ôg neet drök. Weej hebbe ein leuk program bedach, ouk veur de groëtere groepe. ’t Is dan waal van belang det d’r genôg begeleiding is.
Let op! Vol is vol.
De twiëde lesElf van elf steit haos veur de deur en dus steit ouk ‘t twiëde Boeremoosjournaal veur ôg klaor! ‘t Is in dit deil soms fijn, veural veur de liëgere klasse, um ‘t Boeremoosjournaal in stökke te laote zeen.Én heej huurt ouk weer ein leuke opdrach beej, klik heej veur de kleurplaat um ôg eige medaille te ontwerpe. Wae zal zien eige medaille veur de ganse klas gaon winne? Steur ôg ontwerpe nao boeremoos@beejeingeklats.nl
De derde lesDit jaor aete weej mit de feesdaag boeremoos. In ‘t derde Boeremoosjournaal kint geej zeen waat weej gemak hebbe met ôzze eige boeremoos. Wilt geej zelf ouk aan de slaag met de recepte? Kokkerelli haet speciaal veur ôs twië recepte mit boeremoos gemak:
En det is toch lekker! Wilt geej ôg kaokfoto’s deile? Steur ze dan naor boeremoos@beejeingeklats.nl
De veerde (en letste) lesBeejeingeklats Galerie in de MaaspoortDit kiër gaon we iërs aan de slaag mit de opdrach en vervolges kump ‘t letste Boeremoosjournaal.In samewerking mit de creatieve juf van Schoël aan de Viever Maartje Kuijpers, Veldeke en de Maaspoort gaon weej met ôg ein galerie make in de Maaspoort. Weej wille gaer in de letste opdrach van ‘t schoëlprojek ôs dialek en ôg creativiteit ein groëte rol laote speule.In de Maaspoort meuge weej van iddere schoël twië kunswerke ophange. Klik heej veur de opdrach. De euverige kunswerke kinne gebroék waere as Vastelaovesversiering veur de schoël. Van 2 fibberwari tot en mit de Vastelaovend prônke de kunswerke in de lobby van de Maaspoort. Inlevere van de kunswerke kin wies 25 jannewarie op de Zandstraot 7 of de Greunstraot 98 in Venlo.Zien de kinder klaor? Dan meuge de kinder nog zelf ein teikening make beej ein van de wäörd. Klik heej veur ‘t opdrachblaad.
